40 წლის ადამიანი ვარ და მარიხუანა არ მომიწევია, – განაცხადა თბილისის მერმა კახა კალაძემ “ტვ პირველის” ეთერში წამყვანის კითხვის საპასუხოდ.
“მე არ მერიდება ამაზე საუბარი. 40 წლის ადამიანი ვარ და მარიხუანა არ მომიწევია. სურვილიც არ მქონია. მთელი ცხოვრება სპორტით ვიყავი დაკავებული. მე ყველაფერს ვაკეთებ იმისთვის, რომ წარმატებული ვიყო იქ, სადაც ვარ.
უკრაინაში მეკითხებოდნენ, შენ როგორი ქართველი ხარ, რომ ერთ ჭიქა ღვინოს არ სვამო, ეგეთი ადამიანი ვარ. ასე გამზარდეს”- განაცხადა კალაძემ.
