პოლიტოლოგმა გია ხუხაშვილმა ყოფილი პრემიერის, ბიძინა ივანიშვილის გუშინდელი ინტერვიუ შეაფასა. მისი თქმით, ბიძინა ივანიშვილის ავტორიტეტი სერიოზულადაა შელახული და მის სიტყვას ფასი აღარ აქვს.
“მან უნდა იმოქმედოს კი არ უნდა ილაპარაკოს, – აცხადებს ხუხაშვილი.
ხუხაშვილის განცხადებით, ივანიშვილი ადასტურებს, რომ მართავს და ვიღაცას ხელს მოაჭრის თუ რაღაც გააკეთა და მას შეუძლია ყველაფერი გააკეთოს.
“მან უნდა იცოდეს, რომ მისი ავტორიტეტი სერიოზულადაა შელახული, მის სიტყვას ფასი აქვს დაკარგული. ამიტომ უნდა იმოქმედოს, კი არ უნდა ილაპარაკოს. სიმართლე გითხრათ, დიდი იმედი არ მაქვს, რომ ის ამას მოახერხებს, რადგან გარდა იმისა, რომ მასში სურვილი ვერ დავინახე, ასევე მას ამის საშუალებაც არ აქვს. ის გარკვეულწილად არის ამ მანკიერი სისტემის მძევალი“, – განაცხადა ხუხაშვილმა.
შეგახსენებთ, მიმდინარე წლის 28 ნოემბერს საქართველოში საპრეზიდენტო არჩევნების მეორე ტური გაიმართება.