“იბერიის” თანამშრომლები – ტელეკომპანიის ტექნიკა “რუსთავი 2-ის მანქანით გაიტანეს

დღეს გამართულ აქციაზე ტელეკომპანია „იბერიის“ თანამშრომლები აცხადებენ, რომ ტელევიზიიდან ტექნიკა გაიტანეს. ინფორმაციას პირველი არხი ავრცელებს.

„გუშინ ტელევიზიის შენობასთან დავინახეთ „რუსთავი 2“-ის მანქანა, რომელშიც ტექნიკა ჩააწყვეს. ეს იყო შტატივები, „ლაივუს“ აპარატი და კიდევ რაღაცები. ალბათ, ათხოვეს ან მიაქირავეს არჩევნებისთვის, არ ვიცი. ფაქტი დავინახე, რომ წაიღეს აპარატურა“, – აღნიშნა ოპერატორმა თემო დეკანოიძემ.

ტელეკომპანიის თანამშრომლები აქციაზე ხელფასებსა და კომპენსაციებს ითხოვენ.