თურქეთში ვადამდელი საპრეზიდენტო და საპარლამენტო არჩევნები დასრულდა. ხმის მიცემის პროცესი ადგილობრივი დროით 17:00 საათზე შეწყდა. ინფორმაციას პირველი არხი ავრცელებს.
თურქეთის უმაღლესი საარჩევნო საბჭოს ინფორმაციით, პირველ ეტაპზე საპრეზიდენტო არჩევნების ბიულეტენები დაითვლება.
თურქეთის მოქალაქეები ამბობენ, რომ კანდიდატებს გამარჯვების თანაბარი შანსები აქვთ და არჩევნების შედეგების პროგნოზირება რთულია.
ვადამდელი არჩევნების შემდეგ თურქეთი საპრეზიდენტო მმართველობაზე გადადის, მომავალ პრეზიდენტს კი 2017 წლის რეფერენდუმის საფუძველზე გაზრდილი უფლებამოსილება ექნება.