თიანეთში საძოვრებს ცეცხლი უკიდია. როგორც საგანგებო სიტუაციების სააგენტოში აცხადებენ, ხანძარი 2 ჰექტარზეა გავრცელებული. საგანგებო სიტუაციების სამსახურის ინფორმაციით, ხანძარი ზუსტად იმავე ადგილზეა გაჩენილი, სადაც გუშინ იყო და განმარტავენ, რომ ახლა მცირე კერებია წარმოშობილი და მისი ლოკალიზება მეხანძრეებს არ გაუჭირდებათ. ადგილზე სახანძრო-სამაშველო ბრიგადაა მობილიზებული.
