თელავში, ერეკლე მეფის სახლ–მუზეუმის მიმდებარე ტერიტორიაზე, ზაფხულში პირველი ბრენდული სასტუმრო Holiday Inn გაიხსნება.
ობიექტს შპს “სასტუმრო თელავი” ხსნის. სამშენებლო სამუშაოები ”თიბისი ბანკის” დაფინანსებითა და „აწარმოე საქართველოში“ მხარდაჭერით ხორციელდება. პროექტში ჩართულია ევროპის რეკონსტრუქციისა და განვითარების ბანკიც. კომპანიის გენერალური დირექტორის, ლევან ერისთავის ინფორმაციით, სასტუმროს ასაშენებლად თელავში 15 მილიონი ლარის ინვესტიცია განხორციელდება.