aviabiletebi
ახალი ამბები მთავარი საზოგადოება

თბილისის მერიის წინააღმდეგ სასამართლოში სარჩელს „სითი პარკი“ მომავალ კვირას შეიტანს

aviabiletebi
ავიაბილეთები

„სითი პარკის“ იურისტმა თამარ შუბითიძემ  განაცხადა, რომ კომპანია „სითი პარკი“ თბილისის მერიის წინააღმდეგ სასამართლოს სარჩელით მომავალ კვირას მიმართავს. ამის შესახებ  ინფორმაციას „ინტერპრესნიუსი“ ავრცელებს.

ადვოკატის  ინფორმაციით, სარჩელი მერიის წინააღმდეგ სასამართლოში მერიასა და კომპანიას შორის დადებული ხელშეკრულების ვადაზე ადრე, ცალმხრივად გაწყვეტას ეხება.

შუბითიძის თქმით, მერიამ კომპანიას ხელშეკრულება ყოველგვარი საფუძვლის გარეშე შეუწყვიტა, რაც არასამართლიანია.

„ხელშეკრულების შეწყვეტისთვის გასაჩივრების ვადა 14 აპრილამდე გვაქვს, თუმცა, ვფიქრობთ, რომ კომპანია სასამართლოს სარჩელით მომავალ კვირას მიმართავს“, – განაცხადა თამარ შუბითიძემ.

შეგახსენებთ, რომ  თბილისის მერმა კახა კალაძემ განცხადება „სითი პარკის“ ხელშეკრულების შეწყვეტასთან დაკავშირებით 13 მარტს გააკეთა. მისი თქმით, კომპანიას დედაქალაქის მერია ხელშეკრულებას 2018 წლის 10 აპრილიდან უწყვეტს და მის ფუნქციებს პარკირების ახალი სისტემის ჩამოყალიბებამდე თბილსიის სატრანსპორტო კომპანია შეასრულებს.

იტვირთბა....