„თავისუფალი საქართველო“ მიწათსარგებლობის გენერალური გეგმის შეფასების პროცესში ჩაერთვება.
“ქალაქის გენერალურ გეგმას უკავშირდება თბილისელების მრავალი მნიშვნელოვანი პრობლემა, მათ შორის: საცობები, ეკოლოგია, განაშენიანება. სამწუხაროდ, 1992 წლის შემდეგ, არ მოიძებნა ხელისუფლება, რომელიც თბილისის გენერალურ გეგმას სწორედ თბილისელების და არა მსხვილი დეველოპერების ინტერესების გათვალისწინებით შეადგენდა. შესაბამისად „თავისუფალი საქართველო“ მზადაა, მონაწილეობა მიიღოს ამ პროცესში. იმედს გამოვთქვამთ, რომ თბილისის მერის განცხადება წარმოადგენს რეალურ ინიციატივას და არ არის გათვლილი მხოლოდ პიარზე“, – განაცხადა პარტია “თავისუფალი საქართველოს” პარტიის თავმჯდომარის მოადგილე თენგო ომანიძემ.
ცნობისთვის, 26 იანვარს დედაქალაქის მერმა ოპოზიციას მიწათსარგებლობის გენერალური გეგმის შეფასების პროცესში მონაწილეობა შესთავაზა.