ვინ არის ყველაზე ლამაზი ქალი ქართულ პოლიტიკაში, ყველაზე მეტად ვინ აკლია ქართულ პოლიტიკურ სივრცეს, – ამ და სხვა კითხვებზე პოლიტოლოგმა გია ხუხაშვილმა “მეტრონომთან” ბლიც-ინტერვიუს დროს ისაუბრა.
მეტრონომი: მარიხუანა თუ მოგიწევიათ?
გია ხუხაშვილი: არა, არასდროს. ისე გავიზარდე, რომ ეგ სიამოვნება წილად არ მხვდა.
მეტრონომი: ვინ არის ყველაზე ლამაზი ქალი ქართულ პოლიტიკაში?
ხუხაშვილი: ანა დოლიძე.
მეტრონომი: რას აკრძალავდით საქართველოში?
ხუხაშვილი: კეთილების მოკითხვას პრემიერისგან.
მეტრონომი: ვის ისურვებდით პრეზიდენტად?
ხუხაშვილი: ნუ, პრეზიდენტად ბიძინა ივანიშვილს.
მეტრონომი: “აიისაზე” რას გვეტყვით?
ხუხაშვილი: როდესაც ქვეყანაში დემოგრაფიული მდგომარეობა მძიმდება, მე მასეთი კომპანიების წინააღმდეგი ვარ.
მეტრონომი: გვჭირდება თუ არა საზოგადოებრივი მაუწყებელი?
ხუხაშვილი: გვჭირდება, ოღონდ, არა იმ ფორმით, როგორც ახლა არის. ის უნდა იყოს ხალხისთვის და არა ხელისუფლებისთვის.
მეტრონომი: ივანიშვილი თუ სააკაშვილი?
ხუხაშვილი: ნუ, მაინც ივანიშვილი.
მეტრონომი: დამოუკიდებელი საქართველოს ისტორიაში ვინ არის ის პოლიტიკოსი, რომლის ყოფნასაც დღეს აქტიურ პოლიტიკაში ისურვებდით?
ხუხაშვილი: ზურაბ ჟვანია.
მეტრონომი: უნდა აღინიშნებოდეს თუ არა 9 მაისი?
ხუხაშვილი: რა თქმა უნდა, უნდა აღინიშნებოდეს.
მეტრონომი: გაიზარდა თუ არა საქართველოში რუსეთის გავლენა?
ხუხაშვილი: არ ვფიქრობ, რომ ამ მხრივ საქმე დრამატულადაა.
მეტრონომი: გიორგი მარგველაშვილი რა ასოციაციას იწვევს თქვენში?
ხუხაშვილი: ნუ, მარგველაშვილი ჩემი მეგობარია და ალბათ, ობიექტური ვერ ვიქნები.
მეტრონომი: 17 მაისი – ჰომოფობიასთან ბრძოლის თუ ოჯახის სიწმინდის დღე?
ხუხაშვილი: ნუ, ვისაც რა უნდა, ის იზეიმოს. მე უფრო ოჯახის სიწმინდეს ვიზეიმებდი. თუმცა, იმათაც ახლა თუ უნდათ იზეიმონ, რა ვუყოთ.
ავტორი: ბესო კუნელაური