დეკანოზი თამაზ ლომიძე სოციალურ ქსელში უკრაინის ბრძლას ავტოკეფალიისთვის სამართლიანად მიიჩნევს.
“უკრაინის ეკლესიის ბრძოლა ავტოკეფალიისთვის სამართლიანია. ასე მოიპოვა (აღიდგინა) ბევრმა ეკლესიამ და მათ შორის საქართველომაც თავის დროზე დამოუკიდებლობა.
მხარდაჭერა უკრაინელ მართლმადიდებლებს!”, – წერს დეკანოზი.
შეგახსენებთ, რომ უკრაინის რადამ მხარი დაუჭირა პრეზიდენტის მიმართვას მსოფლიო პატრიარქისადმი. უკრაინული მედიის ინფორმაციით, კანონპროექტს ხმა 334-დან 268 დეპუტატმა მისცა.
უკრაინის პრეზიდენტმა პეტრო პოროშენკომ მსოფლიო პატრიარქ ბართლომეს თხოვნით მიმართა და უკრაინის მართლმადიდებელი ეკლესიისთვის ავტოკეფალიის მინიჭება მოითხოვა. უკრაინის პრეზიდენტმა წერილი მსოფლიო პატრიარქთან 17 აპრილს გაგზავნა.