გურჯაანში, ხილ-ბოსტნეულის მაღაზია გაქურდეს. წინასწარი ინფორმაციით წაღებულია სალარო აპარატი,ხოლო ეჭვმიტანილი არასრულწლოვანია. ამის შესახებ Imedi News-ი იუწყება.
აღნიშნულ ფაქტზე, მეპატრონე კომენტარს არ აკეთებს და არ აკონკრეტებს რა რაოდენობის თანხაა მაღაზიიდან წაღებული.
შსს-ში აცხადებენ, რომ ქურდობაში ბრალდებული არასრულწლოვანი პოლიციამ ცხელ კვალზე დააკავა. მომხდარზე გამოძიება ქურდობის მუხლით მიმდინარეობს.