“გუმათჰესი 2”-ის ტერიტორიაზე გუშინ საღამოს, 6 დეკემბერს გაჩენილი ხანძარი ლიკვიდირებულია, -ინფორმაციას შსს ავრცელებს.
როგორც უწყება განმარტავს, ხანძარი გაუჩნდა ზეთის ტრანსფორმატორს, შედეგად კი “გუმათჰესი 2”-ის მიმდებარე ტერიტორიაზე 18 ტონამდე საწვავი დაიღვარა.
მთელი ღამის განმავლობაში ადგილზე დარჩა ორი სახანძრო-სამაშველო ჯგუფი და ტერიტორიის მონიტორინგს ახორციელებდა.
შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სისხლის სამართლის კოდექსის 187-ე მუხლის მეორე ნაწილით დაიწყო.