საქართველოს მოქმედი პრეზიდენტი, გიორგი მარგველაშვილი ქვეყნის არჩეულ პრეზიდენტს, სალომე ზურაბიშვილს დღეს შეხვდება.
შეხვედრა პრეზიდენტის სასახლეში 16:00 საათზე გაიმართება.
შეგახსენებთ, გიორგი მარგველაშვილმა 29 ნოემბერს სალომე ზურაბიშვილს საპრეზიდენტო არჩევნებში გამარჯვება მიულოცა და განაცხადა, რომ როგორც კი სალომე ზურაბიშვილი პასუხისმგებელ პირს დაასახელებს, პრეზიდენტის ადმინისტრაცია მზად არის, საქმის გადაბარებაზე ითანამშრომლოს, რაზეც ზურაბიშვილმა უპასუხა, რომ გიორგი მარგველაშვილთან შესახვედრად მზად არის.