aviabiletebi
ახალი ამბები მთავარი სამართალი

“გვენეტაძემ ერთპიროვნულად მიიღო გადაწყვეტილება, რასაც ვემიჯნებით”

aviabiletebi
ავიაბილეთები

ექსკლუზიური ინტერვიუ იუსტიციის საბჭოს წევრ ლევან თევზაძესთან

იუსტიციის საბჭოში მიწვეული იყო საქალაქო სასამართლოს მოსამართლე თამაზ ურთმელიძე. როგორც უზენაესი სასამართლოს თავმჯდომარე ნინო გვენეტაძემ განაცხადა, ურთმელიძე სხდომაზე არა ანგარიშნის ჩასაბარებლად, არამედ   „რუსთავი 2“-ის საქმეზე მისი რეზონანსული გადაწყვეტილების გამო იყო დაბარებული.

უზენაესი სასამართლოს თავმჯდომარის ამ განცხადებას, იუსტიციის საბჭოს წევრების მხრიდან კრიტიკა მოჰყვა. საბჭოს მდივანმა ლევან მურუსიძემ აღნიშნა, რომ მოსამართლის დაბარება გაუგებარი ფორმატით მოხდა. მან ასევე განაცხადა, რომ ურთმეძის შესაძლო დასწრების საკითხი საბჭოს სხდომაზე, მედიიდან შეიტყო.

„როგორც არ უნდა შეიფუთოს ეს სიტუაცია და ვთქვათ, რომ მოსამართლე არა გადაწყვეტილების შინაარსზე ისაუბრებდა, არამედ მას სხვა კითხვები დაესმებდა, რჩება შთაბეჭდილება, რომ იგი გარკვეული ანგარიშის ჩასაბარებლად დავიბარეთ საბჭოს სხდომაზე. რაც არ უნდა ვთქვათ, რომ ანგარიშის ჩასაბარებლად  არ დაგვიბარებია, გვენეტაძის გადაწყვეტილება კატეგორიულად მიუღებელია. ამან შეიძლება ხელი შეუშალოს საქმის სწორად და კანონიერად განხილვას.“ – განაცხადა ლევან მურუსიძემ.

საბჭოს სხდომაზე  ერთმანეთს იუსტიციის უმაღლესი საბჭოს წევრი, სააპელაციო სასამართლოს მოსამართლე ლევან თევზაძე და  არასამთავრობო ორგანიზაცია „მოსამართლეთა ერთობის“ თავმჯდომარე მაია ბაქრაძე დაუპირისპირდნენ.

„საბჭომ მოსამართლეთა დაცვის კუთხით გამოიღვიძა.“ – განაცხადა ბაქრაძემ.

მან  აღნიშნა, რომ ადვოკატები ერთმანეთს იცავენ, ასევე გარკვეული სოლიდარობაა  მედიის წარმმომადგენელთა შორისაც შეიმჩნევა, ასევე უნდა მოხდეს მოსამართლეების დაცვის კუთხითაც.

„მეტრონომი“ მთელი დღის განმავლობაში ცდილობდა  დაკავშირებოდა     „მოსამართლეთა ერთობას“, გვაინტერესებდა ბაქრაძის აღნიშნული განცხადება მხოლოდ მოსამართლე  თამაზ ურთმელიძეს ეხებოდა, თუ „მოსამართლეთა დაუცველობა“ გარკვეული ტენდენციაა ქვეყანაში.

მოსამართლეთა ზეწოლაზე ისაუბრა საბჭოს კიდევ ერთმა წევრმა ევა გოცირიძემ. მისი თქმით მოსამართლე ურთმელიძეზე არანახული ზეწოლა ხორციელდება.

კონსტიტუციონალისტმა ვახტანგ ხმალაძემ მედიასთან საუბრისას მიზეზები განმარტა, რომელთა საფუძველზეც პარლამენტი “რუსთავი2”-ის მიერ საკონსტიტუციო სასამართლოში შეტანილ სარჩელებზე ორი მოსამართლის – კოლეგიის თავმჯდომარის, კონსტანტინე ვარძელაშვილისა და ამავე კოლეგიის წევრის, მაია კოპალეიშვილის აცილებას ითხოვს.
ხმალაძე სამართლებრივ-პროცედურულ საკითხებსა და პერსონალურ ურთიერთობებზე ამახვილებს ყურადღებას.

“სასამართლოს გადაწყვეტილებების შეფასებისგან ყოველთვის თავს ვიკავებ, მაგრამ როცა საუბარია საკონსტიტუციო სასამართლოზე, აქ პარლამენტი არის საპროცესო მხარე – მოპასუხე ამ შემთხვევაში პარლამენტია. აქ პარლამენტი არა მარტო უფლებამოსილია, არამედ ვალდებულიც არის ყველა ის მექანიზმი გამოიყენოს, რომელიც სასამართლო განხილვისას მხარეს აქვს. ამ შემთხვევაში ჩვენ საფუძვლიანი ეჭვი შეგვექმნა კოლეგიის თავმჯდომარის, ბატონ ვარძელაშვილისა და კოლეგიის წევრის, ქალბატონი კოპალეიშვილის არაობიექტურობასა და მიკერძოებულობაზე. შუამდგომლობაში დაწვრილებით არის აღწერილი მთელი პროცესი, რამაც ეჭვის წარმოქმნა გამოიწვია. პირველი რიგში, ეს წმინდა პროცედურული საკითხებია: – “რუსთავი2”-ის გარდა, იგივე საკითხი კიდევ ორ სუბიექტს ჰქონდა გასაჩივრებული. ერთმა სარჩელი უფრო ადრე შეიტანა, ვიდრე “რუსთავი2”-მა. მეორემ სარჩელი შეიტანა უფრო გვიან, ვიდრე “რუსთავი2”-მა. სასამართლომ ეს ორი სარჩელი, გარდა “რუსთავი2”-ის სარჩელისა, გააერთიანა და მათ განსახილველად გამწესრიგებელი სხდომა დანიშნა – ვიტყოდი, უპრეცედენტოდ მოკლე დროში, ერთი სამუშაო დღეც კი არის იყო დარჩენილი ჩვენთვის შეტყობინებასა და სხდომას შორის. ამ დროს არანაირი ინფორმაცია არ იდო “რუსთავი2″-ის სარჩელის თაობაზე. უფრო მეტიც, ჩვენს წარმომადგენელს ეუბნებოდნენ, რომ სარჩელი ჯერ დარეგისტრირებული არ იყო” – განაცხადა ხმალაძემ.

საბოლოოდ, ჩვენ გადავწყვიტეთ დავკავშირებოდით, იუსტიციის საბჭოში მომხდარი დაპირისპირების მონაწილეებს. სამწუხაროდ, უშედეგოდ დასრულდა მცდელობა დავკონტაქტებოდით დავაში ერთ -ერთ მონაწილეს,  “მოსამართლეთა ერთობის” წარმომადგენელს,   მაია ბაქრაძეს,  თუმცა, “მეტრონომის” ჟურნალისტებს შესაძლებლობა მოგვეცა გავსაუბრებოდით  იუსტიციის საბჭოს წევრს ბატონ ლევან თევზაძეს,  რომელიც საბჭოს ღირსების დაცვას დღეს ხმამაღალი განცხადებებით ცდილობდა:

“მეტრონომი”: რამდენად სწორად მიგაჩნიათ მოსამართლე თამაზ ურთმელიძის იუსტიციის საბჭოს სხდომაზე დაბარება?

ლევან თევზაძე: ნუ, ახლა, როგორც კითვის ფორმიდან ჩანს, დაბარება თავისთავად აღიქმება რაღაც ანგარიშის მოთხოვნასთან დაკავშირებით და რა თქმა უნდა, ეს არის დაუშვებელი. არავითარ შემთხვევაში არცერთი მოსამართლე არ უნდა იქნეს კონფლიქტურ საკითხზე დაბარებული, ანგარიშის მოთხოვნის მიზნით. მითუმეტეს, მაშინ, როდესაც არ არის სამართალდარღვევის დისციპლინარული კვლევა   დაწყებული და არ ჯდება ეს საბჭოს საქმიანობაში.

– დღეს, თქვენი გაღიზიანება მოსამართლეთა ერთობის  თავმჯდომარის, მაია ბაქრაძის განცხადებამ გამოიწვია, სადაც მან აღნიშნა, დადებითი ამ პროცესში ის არის, რომ საბჭომ  მოსამართლეთა დაცვის კუთხით გამოიღვიძაო. რამ გამოიწვია

თქვენი გაღიზიანება? იმან ხომ არა, რომ “მოსამართლეთა ერთობამ”, ფაქტობრივად პირველმა დაიწყო მოსამართლეების დაცვა?

ეს იყო აბსოლუტურად არასწორი, უსამართლო  ბრალდება იუსტიციის უმაღლესი საბჭოს მოსამართლის  წევრზე. ამის თქმის საფუძველს მაძლევს ის გარემოება, რომ მაშინ როდესაც ხდება ხოლმე სხვა მოსამართლეების ანალოგიურ რეჟიმში მოხსენიება, სხვა მოსამართლეების შეურაცხყობა, თუნდაც იგივე ის ცვლილებები და კანონპროექტები, რომლებიც პირადად ეხებოდა მოსამართლის დამოუკიდებლობას, შესაძლოა ჰქონოდა ამას  რაღაც ირიბი ჩვენებები  და ა.შ.

მე არ მახსენდება “მოსამართლეთა ერთობის” მხრიდან მოსამართლეთა მხარდასაჭერი რაიმე განცხადება, ემოქმედა ან გამოეხატა რაიმე…

პირადად მე და ასევე ჩემი კოლეგა მოსამართლეები,  ვიყავით ყოველთვის აქტიურები და ყოველთვის  დავიცავთ მოსამართლის  უფლებებს. ვინაიდან, ეს არის ჩვენი პირდაპირი მოვალეობა, რომ არ მოხდეს მოსამართლის ასეთი საზოგადო აშკარა დისკრედიტაცია. თუნდაც ურთმელიძის კუთხით, თუნდაც  სხვა კუთხით, გაგვიკეთებია  არაერთი განცხადება  და მომავალშიც გავაკეთებთ.

– ურთმელიძემ არმისვლის მიზეზად ის გარემოება დაასახელა, რომ მისი მისვლით  შეიქმნებოდა ანგარიშის ჩაბარების შთაბეჭდილება. ეს კი ზიანს მიაყენებდა სასამართლოს ავტორიტეტს… თქვენც ასე ფიქრობთ?

– ნამდვილად დატოვებდაანგარიშის ჩაბარების შთაბეჭდილებას და აბსოლუტურად სწორად მოიქცა, ჩემი გადმოსახედიდან…

– საბჭოს მდივანმა, ლევან მუსერიძემ განაცხადა, რომ მოსამართლის დაბარება გაუგებარი ფორმატით მოხდა და რომ მან ეს მედიის მეშვეობით გაიგო და საბჭოს მხრიდანაც ინფორმაცია არ ჰქონდა?

– დიახ, ასე იყო ნამდვილად… ჩვენც მედიის საშუალებით გავიგეთ კვირის მიწურულს

– ანუ საბჭოს მხრიდან ინფორმაცია  არ გქონდათ?

– შეთანხმებული არ იყო საბჭოსთან, რომ ამ ფორმატით მოგვეწვია ურთმელიძე, რადგან არსებობდა გარკვეული კითხვები. კითხვები ჰქონდა ქალბატონ თავჯდომარეს  და გვენეტაძემ შესაბამისად ერთპიროვნულად მიიღო ეს გადაწყვეტილება, რასაც კატეგორიულად ვემიჯნებით და გავემიჯნებით.

– ხმაურიანი პროცესები თითქმის ყოველდღე იმართება და ასე ყველა მოსამართლის დაბარება ნორმალურია?

– რა თქმა უნდა, არ არის სწორი. მოსამართლის გადაწყვეტილება უნდა შეაფასოს ზემდგომა ინსტანციამ. ჩვენი აზრი სამართლებრივ სახელმწიფოში ასე უნდა დარეგულირდეს.

– მედიას რატომ დაატოვებინეს სხდომა?

– ახლა ზუსტად ეგ არ ვიცი, მაგრამ ამ საკითხის განხილვა დამთავრდა, სხვა საკითხებზე გადავედით და ალბათ მაგიტომ…

 

ნუკი მჭედლიშვილი

მარიამ ვარადაშვილი

 

 

 

იტვირთბა....