ბათუმში, ვარდების სკვერში, სამოც წლამდე ასაკის მამაკაცი გარდაცვლილი იპოვეს. როგორც თვითმხილველები აცხადებენ, მამაკაცს სკვერში ხშირად ხედავდნენ, თუმცა არ იცნობდნენ. შემთხვევის ადგილზე ექსპერტ-კრიმინალისტებიც მუშაობდნენ. ცხედარი პროზექტურაში გადაასვენეს.
შსს-ს ინფორმაციით, მამაკაცს, პირველადი დათვალიერებით, ძალადობის კვალი არ აღენიშნებოდა. გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.