„თავისუფალი დემოკრატები“ არ გამორიცხავენ, თვითმმართველობის არჩევნებზე მხარი თბილისის მერობის კანდიდატს ალეკო ელისაშვილს დაუჭირონ. ელისაშვილსა და „თავისუფალი დემოკრატების“ ლიდერებთან გუშინ საღამოს არაფორმალურ გარემოში შეხვედრა შედგა.
რა საკითხზე ისაუბრეს დახურულ შეხვედრაზე უცნობია, არც ელისაშვილსა და არც პარტიის წევრებს კონკრეტული განცხადებები არ გაუკეთებიათ.
თუმცა აცხადებენ, რომ შეხვედრისას საუბარი პოლიტიკურ საკითხებზე იყო და არ არის გამორიცხული, რომ თვითმმართველობის არჩევნებზე მხარი ელისაშვილს დაუჭირონ.