ავღანელი ოფიციალური პირების ცნობით, დაზვერვის უწყების ოპერაციის შედეგად, სამხრეთში მდებარე ყანდაარის პროვინციაში 83 თალიბი მებრძოლი მოკლეს.
უცნობია, არის თუ არა მსხვერპლი ავღანელი ჯარისკაცების რიგებში.
28 იანვარს დონალდ ტრამპმა განაცხადა, რომ მსოფლიომ თაბილანის და მათი მხარდამჭერების წინააღმდეგ გადამწყვეტი ზომები უნდა მიიღოს.
ცნობისთვის, ტრამპმა ეს განცხადება ქაბულში მომხდარი ტერაქტის შემდეგ გააკეთა. ავღანეთის დედაქალაქ ქაბულის დიპლომატიურ უბანში 27 იანვარს მომხდარი აფეთქების შედეგად 95 ადამიანი დაიღუპა და 191 დაშავდა. აფეთქება თვითმკვლელმა-ტერორისტმა დანაღმული მანქანით მოაწყო.