შეფასებისა და გამოცდების ეროვნული ცენტრის ინფორმაციით, 2017 წლის ერთიან ეროვნულ გამოცდებზე გასულ აბიტურიენტთა აპელაციის შედეგები დღეს 14:00 საათზე გახდა ცნობილი. სისტემაში შესასვლელად აპლიკანტმა უნდა მიუთითოს პირადი ნომერი და საგამოცდო საიდენტიფიკაციო ნომერი, იქვე იქნება განთავსებული ნაშრომის სკანირებული ასლი და მიღებული ქულა. შედეგების ნახვას შეძლებთ ქვემოთ მოცემულ ბმულზე.
აბიტურიენტებს შედეგების გაგება მოკლე ტექსტური შეტყობინებითაც შეუძლიათ (მაგთი, ბილაინი, ჯეოსელი). ამისათვის საკუთარი საგამოცდო საიდენტიფიკაციო ნომერი უნდა გაგზავნოთ ნომერზე 9 3 3 3 3, მომსახურების საფასური 50 თეთრია.
რაც შეეხება ჩარიცხვებს, როგორც გამოცდების ეროვნულ ცენტრში აცხადებენ აუცილებელი პროცედურების დასრულებისთანავე გამოქვეყნდება, თუნდაც არასამუშაო დღეებში. მათივე განმარტებით, ამ პროცესს დაახლოებით 3-4 დღე დასწირდება. საბოლოო შედეგებთან ერთად აბიტურიენტები სახელმწიფო გრანტის შესახებაც მიიღებენ ინფორმაციას.
edu.aris.ge