ახალი ამბები ბიზნესი ეკონომიკა მთავარი საზოგადოება

პროდუქტების წინასაახალწლო ფასები: რა გაძვირდა და რამდენით

გაუზიარეთ სხვებსაც
Share on Facebook
Facebook
0Tweet about this on Twitter
Twitter
Share on Google+
Google+
0Share on VK
VK
Share on LinkedIn
Linkedin

მიმდინარე წლის ნოემბერში 26%-ით გაძვირდა „ბოსტნეულის“ ქვეჯგუფში შემავალი პროდუქტები, 10 %-ით მოიმატა ფასებმა „ხორცსა და ხორცის პროდუქტების“ და „რძე, ყველი და კვერცხის“ ქვეჯგუფის, ხოლო 9 %-ით კი – ხილის ფასებმა, – ასეთ ინფორმაციას ავრცელებს ეროვნული ბანკი.

მიმოხილვის თანახმად, 2017 წლის ნოემბერში წინა წლის შესაბამის თვესთან შედარებით ინფლაციამ 6.9 პროცენტი შეადგინა, ხოლო წინა თვესთან შედარებით ფასების საერთო დონე 1.1 პროცენტით გაიზარდა.

„თვის მიმოხილვის“ თანახმად, ნოემბერში აღსანიშნავია თვითმფრინავით მგზავრობის ფასის ზრდა 42 პროცენტით. გაიზარდა ასევე დიზელის საწვავის ფასი, რაც მსოფლიო ბაზარზე ნავთობის გაძვირებას უკავშირდება. სეზონური ფაქტორებიდან გამომდინარე, გაძვირდა ზოგიერთი ბოსტნეული და გაიაფდა ციტრუსი.

„წლიურ ინფლაციაში კვლავ მნიშვნელოვან როლს თამაშობს თამბაქოს პროდუქტების, საწვავისა და ავტომობილების გაძვირება, რაც ამ პროდუქტებზე აქციზის გადასახადის მატებითა და ნავთობის მსოფლიო ფასების გაძვირებით არის გამოწვეული. ნოემბრის წლიური ინფლაციიდან ამ პროდუქტებზე 2.7 პროცენტული პუნქტი (პ.პ), მოდიოდა. სხვა ერთჯერადი ფაქტორებიდან აღსანიშნავია გაზის გადასახადის მომატება და მნიშვნელოვანწილად ნავთობის გაძვირების გამო თვითმფრინავით მგზავრობის გაძვირება. მათი ჯამური გავლენა ინფლაციაზე 0.4 პ.პ-ია. 2.1 პ.პ სურსათის, ხოლო 1.7 პ.პ – დანარჩენი პროდუქტების გაძვირებაზე მოდიოდა“, – ნათქვამია მიმოხილვაში.

მიმოხილვის თანამხად, ნოემბერში წინა წლის ნოემბერთან შედარებით 26 პროცენტით გაძვირდა „ბოსტნეულის“ ქვეჯგუფში შემავალი პროდუქტები. 10 პროცენტით მოიმატა ფასებმა „ხორცსა და ხორცის პროდუქტების“ და „რძე, ყველი და კვერცხის“ ქვეჯგუფის, ხოლო 9 პროცენტით ხილის ფასებმა.

„ფასები ზემოთ აღნიშნულ ქვეჯგუფებში შემავალ პროდუქტებზე გასული წელს ძირითადად მცირდებოდა. ბოსტნეულის საშუალო წლიური დეფლაცია -9.2, ხორცის და ხორცის პროდუქტების -0.5, ხოლო რძის, ყველისა და კვერცხის -0.7 პროცენტი იყო. ჯამში სურსათის საშუალო წლიური ინფლაცია კი 1.3 პროცენტს შეადგენდა. აქედან გამომდინარე, მიმდინარე წელს ზემოთჩამოთვლილ პროდუქტების საგრძნობი გაძვირება ძირითადად საბაზო ეფექტით შეიძლება აიხსნას“, – ნათქვამია მიმოხილვაში.

ნოემბერის „თვის მიმოხილვის“ თანახმად, გასული წლის დასაწყისიდან შაქარზე მსოფლიო ფასების ზრდის გამო შაქრის შემცვლელი პროდუქტები მნიშვნელოვნად ძვირდებოდა და მათი წვლილი საერთო ინფლაციაში მაღალი იყო. მსოფლიო ბაზარზე შაქრის ფასის კლების პარალელურად მიმდინარე წლის დასაწყისიდან შაქრის ინფლაციას კლების ტენდენცია ჰქონდა და საბოლოოდ ივლისში ამოიწურა. ხოლო ნოემბერში შაქრის ფასის 10 პროცენტიანი კლება დაფიქსირდა. შაქრის შემცველ პროდუქტებზე ფასები თითქმის არ შეცვლილა.

 

სხვა ამბები

ლევან ხაბეიშვილი სუს-ში დაიბარეს

newsadmin

სროლა ბრაზილიის ეკლესიაში – მოკლულია 5 ადამიანი

newsadmin

სალომე სამადაშვილი 16 დეკემბერს დაგეგმილ აქციას შეუერთდება

newsadmin

ბოლნისში, 13 წლის გარდაცვლილი ბავშვის მამა ამბობს, რომ მკვლელი ცნობილია, მაგრამ მას არ აკავებენ

newsadmin

იუნესკოს გენერალური დირექტორი სალომე ზურაბიშვილს საქართველოს პრეზიდენტად არჩევას ულოცავს

newsadmin

აპატურაი: საქართველოს საპრეზიდენტო არჩევნები შეფასდა, როგორც ღია და სამართლიანი

newsadmin

უსუფაშვილი: აშკარაა, რომ მოქმედ მმართველ პარტიას მოსახლეობის 50%-ზე მეტი მხარდაჭერა არ აქვს

newsadmin

სუს-მა, უკანონო სამეწარმეო საქმიანობის ფაქტზე, ირანის 7 მოქალაქე დააკავა

newsadmin

7 ნოემბრის საქმეზე,  ლევან გაჩეჩილაძე, კახა კუკავა და ზვიად ძიძიგური დაიკითხებიან

newsadmin
იტვირთბა....
რეკომენდირებული სტატია
ბოლნისში, 13 წლის გარდაცვლილი ბავშვის მამა ამბობს, რომ მკვლელი ცნობილია, მაგრამ მას არ აკავებენ
ბოლნისში გარდაცვლილი 13 წლის მოზარდის ისმაილ ბადალოვის მშობლები ძალოვან უწყებებს გამოძიების დროულად ჩატარებისკენ მოუწოდებენ. ოჯახის წევრების თქმით, მათი შვილი ერთი თვის წინ, ბოლნისში,.. ნახე სრულად..