თბილისში, დოლიძის ქუჩაზე ცოტა ხნის წინ მოქალაქე დააყაჩაღეს, როგორც თვითმხილველები ამბობენ, მამაკაცი შეიარაღებული იყო და ცეცხლსასროლი იარაღის მუქარით მოქალაქეს თანხა გამოძალა. უცნობია დამნაშავემ მოქალაქეს რა რაოდენობის თანხის წართმევა მოახერხა. თავდამსხმელმა გაქცევა და მიმალვა მოასწრო.
“მეტრონომს” შსს-ში განუცხადეს, რომ გამოძიება 179-ე მუხლით მიმდინარეობს, რაც ყაჩაღობას გულისხმობს და ისჯება თავისუფლების აღკვეთით ვადით 5-დან 7 წლამდე. დამნაშავე პირის დასაკავებლად, სამძებრო ღონისძიებები მიმდინარეობს.
