aviabiletebi
ახალი ამბები მთავარი სამართალი

შსს ბიზნესმენის შვილის გატაცებაზე: დავაკავეთ 10-კაციანი დანაშაულებრივი ჯგუფი

aviabiletebi
ავიაბილეთები

შინაგან საქმეთა სამინისტრო ავცელებს განცხადებას, სადაც განმარტავს, რომ მძევლად ხელში ჩაგდების ბრალდებით, 10-კაციანი დანაშაულებრივი ჯგუფი დააკავეს. საუბარია ტელეკომპანია “რუსთავი 2”-ის მიერ გავცელებულ ინფორმაციაზე, სადაც ნათქვამია, რომ ქართველი ბიზნესმენის შვილი გაიტაცეს და მას გამოსასყიდის სახით რამდენიმე მილიონს სთოვდნენ.

უწყების ცნობით, გამოძიებამ დაადგინა, რომ დაკავებულებმა 1995 წელს დაბადებულ გ.დ.-ს თბილისის ერთ-ერთ ქუჩაზე უკანონოდ აღუკვეთეს თავისუფლება და გაურკვეველი მიმართულებით გაიტაცეს.

“შინაგან საქმეთა სამინისტროს მიმართა გატაცებულის მამამ და აცნობა, რომ გამტაცებლები მას მობილურ ტელეფონზე დაუკავშირდნენ, შვილის გამოსასყიდად დიდი ოდენობით თანხა მოსთხოვეს, ფულის გადაუხდელობის შემთხვევაში კი მძევლის სიცოცხლის მოსპობით დაემუქრნენ.

სამართალდამცველებმა, ინტენსიური ოპერატიულ-საგამოძიებო ღონისძიებების შედეგად, გატაცებულის ადგილსამყოფელი დაადგინეს. გამოძიების ინფორმაციით, გ.დ. შეიარაღებულ გამტაცებლებს იმერეთის ერთ-ერთ სოფელში ჰყავდათ გადამალული.

პოლიციამ გატაცებული ახალგაზრდა წარმატებული სპეცოპერაციის შედეგად გაათავისუფლა. სამართალდამცველებმა სახლიდან, სადაც გამტაცებლებს მძევალი ჰყავდათ გადამალული, ნივთმტკიცებად ამოიღეს ცეცხლსასროლი იარაღი.

პოლიციამ გ.დ. ოჯახში უვნებლად დააბრუნა.

გამოძიება საქართველოს სისხლის სამართლის კოდექსის 144-ე მუხლით მიმდინარეობს. გამოძიების ფარგლებში დაინიშნება ყველა შესაბამისი ექსპერტიზა” – აღნიშნულია განცხადებაში.

დღეს, რუსთავი 2-მა გაავცელა ინფორმაცია, რომ ერთ-ერთი ბიზნესმენის შვილი გაიტაცეს და გამტაცებლები გამოსასყიდის სახით, რამდენიმე მილიონს ითხოვნენ.

იტვირთბა....