ლარი ყველა ვალუტასთან გამყარდა, რაც, ფაქტობრივად, უპრეცედენტო შემთხვევაა,- ინფორმაციას ეროვნული ბანკი ავრცელებს.
ხვალიდან 1 აშშ დოლარი 2.4491 ლარი ეღირება, რაც 3 თეთრზე მეტით ნაკლებია დღევანდელ კურსთან.
ევროსთან მიმართებაში კი ლარი 2,5 თეთრით გამყარდა და 1 ევროს ღირებულება 2.6453 ლარი გახდა.
ეროვნული ბანკის მიერ გამოქვეყნებული კურსი, რომელიც დღის ბოლოს ბანკთაშორის გამართული ვაჭრობის შედეგად დგინდება, ღამის 12 საათიდან შევა ძალაში.