“ერთი კარგი ტრენინგი არ აწყენდა პრეზიდენტის ადმინისტრაციას”, – ასეთი განცხადება გააკეთა იურიდიული კომიტეტის თავმჯდომარემ ეკა ბესელიამ.
“საჯარო მოხელეები, რომლებიც უნდა იცნობდნენ კარგად საჯარო ეთიკას, უნდა აცნობიერებდნენ რომ მათი მხრიდან ასეთი განცხადებები, რომელიც შეურაცხყოფს ინსტიტუციას, ეს ნიშნავს არა პარლამენტის თავმჯდომარის შეურაცხყოფას, არამედ შეურაცხყოფას საკუთარი ინსტიტუტის რომელსაც წარმოადგენენ. ბევრი ბოდიშის მოხდის ვალდებულება დაუგროვდა ადმინისტრაციას და დროა ამაზე იფიქრონ”, – განაცხადა ეკა ბესელიამ.
შეგახსენებთ, ეკა ბესელია პრეზიდენტის ბოლო დროს, გაკეთებულ განცხადებებს ეხმაურება.
