განათლების მინისტრს და ვიცე-პრემიერს ტელეკომპანია რუსთავი 2-ის საქმის განმხილველი დიდი პალატის დაკომპლექტებასთან დაკავშირებით შეკითხვები არ აქვს. ჯეჯელავას განცხადებით სასამართლოსა და ხელისუფლების მიმართ ბრალდებები უსაფუძვლოა, თუმცა, მინისტრი ტელეკომპანიის მხრიდან სასამართლო ზეწოლაზე საუბრობს.
„თუ რუსთავი 2-ის მესვეურებს ადარდებთ, რომ ზეწოლა ვერ განახორციელეს ამ მოსამართლეებზე ისევე, როგორც შეძლეს და განახორციელეს ზეწოლა სხვა მოსამართლეებზე, ეს ძალიან სამწუხაროა. ჩემთვის კითხვის ნიშნები ამ საქმეში ნამდვილად არ არის და შესაბამისად ვფიქრობ, რომ ეს ბრალდება კიდევ ერთი იქნება იმ უსაფუძვლო ბრალდებების სიაში, რომელიც არაერთხელ მოვისმინეთ რუსთავი 2-ის ახლანდელი ხელმძღვანელებისგან“, – განაცხადა ალექსანდრე ჯეჯელავამ.