დღეს, გამთენიისას მიწისძვრა თბილისიდან დაახლოებით 60 კილომეტრში მოხდა. ეპიცენტრი ქალაქ წალკაში, სოფელ ფარავანში იყო. 3 მიწისქვეშა ბიძგი დაფიქსირდა. ბიძგები რამდენიმე წუთის ინტერვალით განმეორდა.
სეისმური მონიტორინგის ცენტრის ინფორმაციით, მიწისძვრის სიმძლავრე პირველ შემთხვევაში 3,7 მაგნიტუდას, მეორე შემთხვევაში 3 მაგნიტუდას, მესამე შემთხვევაში კი 2,9 მაგნიტუდას შეადგენდა.
აღსანიშნავია, რომ ამავე რაიონში დაახლოებით აღნიშნული სიმძლავრის მიწისქვეშა ბიძგები გუშინაც დაფიქსირდა.
