საახალწლო განათებების მონტაჟის გამო, გვიან ღამით თბილისში, კოსტავას ქუჩის გარკვეულ მონაკვეთში მოძრაობა დროებით შეიზღუდება. ამის შესახებ ინფორმაციას „თბილსერვის ჯგუფი“ ავრცელებს.
„თბილსერვის ჯგუფის“ განცხადების თანახმად, დაგეგმილი სამუშაოების მიზეზით, 14 დეკემბერს, 00:00 საათიდან 07:00 საათამდე გადაიკეტება მერაბ კოსტავას ქუჩა, თბილისის საკონცერტო დარბაზიდან იაკობ ნიკოლაძის ქუჩამდე მონაკვეთზე.
„თბილსერვის ჯგუფი“ შეფერხებისთვის საზოგადოებას ბოდიშს უხდის.
