aviabiletebi
ახალი ამბები მთავარი საზოგადოება

“ივანიშვილთან მუშაობა მომწონდა, კარგი იქნება თუ პრემიერად დაბრუნდება” – მარგველაშვილი

aviabiletebi
ავიაბილეთები

კარგი იქნება თუ ბიძინა ივანიშვილი პრემიერ-მინისტრის პოსტზე დაბრუნდება – ამის შესახებ საქართველოს პრეზიდენტმა გიორგი მარგველაშვილმა ისაუბრა.

როგორც მარგველაშვილმა სტუდენტებთან შეხვედრაზე განაცხადა, მასთან უცხოელ პარტნიორებს არაერთხელ დაუსვამთ საკითხი თუ ვინ მართავს ქვეყანას და რა სახელმწიფო მოწყობაა. მისივე თქმით, კითხვის ნიშნები, რომელიც მმართველობასთან დაკავშირებით არსებობს როგორც ქვეყნის შიგნით, ისე გარეთ, ივანიშვილის პრემიერ-მინისტრის თანამდებობაზე დაბრუნებით მოიხსნება.

„ამის თაობაზე, მე თავიდანვე ვსაუბრობდი, როდესაც გიორგი კვირიკაშვილი წავიდა თანამდებობიდან, რომ ადეკვატური იქნებოდა პარტიის ლიდერი და ადამიანი, რომელიც მიაჩნიათ ერთმნიშვნელოვნად ლიდერად, უნდა დაბრუნდეს და აიღოს პასუხისმგებლობა. რაც ახლა ხდება და რაც კითხვის ნიშანს ბადებს სახელმწიფოებრიობის მიმართ, გახდებოდა გასაგები. ჩემთან ჩვენს პარტნიორებს არაერთხელ დაუსვამთ კითხვა თუ რა სახელმწიფო მოწყობა გვაქვს. იციან საპრეზიდენტო რესპუბლიკები, მონარქიები და ა.შ. თუმცა ეს მოწყობა არც ერთ სახელმწიფო სისტემაში არ არის აღწერილი. ეს კითხვის ნიშანს აჩენს საქართველოს მიმართ. ჯერ ასეთი სახელი ამ სისტემისთვის არ არის მოგონილი. კარგი იქნება თუ ივანიშვილი დაბრუნდება, ამით როგორც ერთ სიმღერაშია – „დამთავრდება უხერხული ღიმილი“. გარდა ამ ყველაფრისა, მე მიმაჩნია, რომ ივანიშვილი ერთ-ერთი ყველაზე ჭკვიანი ლიდერია და მასთან მუშაობა ნამდვილად მომწონდა“, – განაცხადა მარგველაშვილმა.

შეგახსენებთ, რომ გიორგი მარგველაშვილი კავკასიის უნივერსიტეტში სტუდენტებს შეხვდა.

იტვირთბა....