ლადო სადღობელაშვილმა და ირაკლი დოლენჯაშვილმა “ქართული მარში” დატოვეს. ამის შესახებ სადღობელაშვილმა სოციალურ ქსელში დაწერა.
“საგანგებო განცხადება!!!
– საოზოგადოების დიდი ინტერესიდან გამომდინარე,მინდა გაუწყოთ,რომ მე ლადო საბრდღობელაშვილმა და ირაკლი დოლენჯაშვილმა პოლიტიკური თუ პირადი შეხედულებებიდან გამომდინარე დავტოვეთ “ქართული მარში”!
– 9სექტემბერი საქართველოს სპორტულ ისტორიაში ერთერთი მნიშვნელოვანი თარიღია… მავანნი მას შეგნებულად ცდილობენ,ჩირქი მოსცხონ და მსოფლიო არენაზე ქვეყანას შეუბღალონ ისტორიული სახელი,ტოლერანტობის და ოდითგანვე თავისუფლებისათვის ლტოლვის ავტორიტეტი მარგინალურად გააცამტვერონ.
– ჩვენ, მე ლადო სადღობელაშვილი და ირაკლი დოლენჯაშვილი ვგმომთ და ვემიჯნებით ყოველგვარ ძალადობას … არ ვუერთდებით ე.წ სპეციალურად დაგეგმილ “პროვოკაციას”, მოვუწოდებთ ყველას! არ წამოეგონ აღნიშნულ მარაზმს, რაც საქართველოში მიზანმიმართულ არეულობას ისახავს,მითუმეტეს ვაი-პატრიოტები რელიგიის სახელით ძალადობისკენ უბიძგებენ საზოგადოებას.
ps. სინამდვილეში მართმადიდებელობა შემწყნარებლობას და სიყვარულს ქადაგებს… პატივისცემით ლადო სადღობელაშვილი!”, – წერს სადღობელაშვილი.
შეგახსენებთ, რომ 9 სექტემბერს “ქართული მარში” გეგმავს, რომ გააპროტესტონ “დინამო არენაზე” გურამ კაშიას ქმედება.
კაშიამ ჰოლანდიის ერთ-ერთ ტურში გუნდი მოედანზე ლგბტ პირების მხარდამჭერი კაპიტნის სამკლავურით გაიყვანა. ამისთვის კაშია უეფამ სპეციალური პრიზითაც დააჯილდოვა.