ზემო ფონიჭალაში ბაღის მეორე სართულიდან გადმოვარდნილი ბავშვის მდგომარეობა მძიმე, მაგრამ სტაბილურია, -ინფორმაციას ინგოროყვას კლინიკის ექიმი ავრცელებს. მისივე თქმით, მცირეწლოვანს დაზიანებული აქვს ფილტვი, თუმცა მოტეხილობები არ აღენიშნება:
„არსებული კვლევებით ფიქსირდება მარცხენამხრივი ჰემოპლემოთორაქსი. დაიწყო ანტიშოკური მკურნალობა. აყვანილ იქნა ინტენსიური თერაპიის განყოფილებაში შემდგომი მკურნალობისთვის,“ – განაცხადა ექიმმა “კურიერთან”.
ექიმის ინფორმაციით, ამ ეტაპზე ბავშვი ქირურგიულ ჩარევას არ საჭიროებს.
შეგახსენებთ, რომ დღეს ზემო ფონიჭალის საბავშვო ბაგა-ბაღის მეორე სართულიდან ბავშვი გადმოვარდა. დაზარალებული ბავშვი ინგოროყვას კლინიკაშია გადაყვანილი. ბავშვი ამ დროისთვის კონტაქტურია.
შსს-მ გამოძიება 124-ე მუხლით დაიწყო.