ახალი ამბები კრიმინალი მედია მთავარი მსოფლიო

ჟურნალისტური გამოძიების გამო ჟურნალისტი მის პარტნიორთან ერთად მოკლეს

გაუზიარეთ სხვებსაც
Share on Facebook
Facebook
0Tweet about this on Twitter
Twitter
Share on VK
VK
Share on LinkedIn
Linkedin

პოპულარული სლოვაკი ჟურნალისტი იან კუკიაკი მის პარტნიორთან ერთად ბინაში გარდაცვლილი იპოვეს. 27 წლის ჟურნალისტი სლოვაკურ ინტერნეტ პორტალ Aktuality.sk-ზე მუშაობდა. ამის შესახებ ინფორმაციას “საქართველოს ჟურნალისტთა დამოუკიდებელი ასოციაცია” “ევროპის ჟურნალისტთა ფედერაციაზე” დაყრდნობით ავრცელებს.

როგორც ირკვევა, კუკიაკი ბოლო დროს, თავის სტატიებში ყურადღებას ამახვილებდა საგადასახადო სისტემაში არსებულ ნაკლოვანებებზე. ის აქტიურად წერდა მაგნატებზე და ჩინოვნიკებზე, რომლებიც ჩართულები იყვნენ და ხელს ითბობდნენ საგადასახადო სისტემაში გამეფებულ კორუფციაზე.

ადგილობრივი პოლიციის უფროსის, ტიბორ გასპარის ინფორმაციით, ჟურნალისტის მკვლელობა მის ბოლოდროინდელ ჟურნალისტურ გამოძიებას უკავშირდება.

როგორც ადგილობრივი მედია წერს, კუკიაკმა ბოლო სტატია ცნობილ ბიზნესმენზე, მარიან კოკნერზე დაწერა. სტატიის ავტორი კოკნერს ახასიათებს, როგორც ჟურნალისტების წინააღმდეგ შეურაცხყოფებით გამორჩეულ პერსონას. ის იმუქრებოდა, რომ გამოააშკარავებდა “ნებისმიერ ნაგავს”, რომელიც დაკავშირებული იქნებოდა კუკიაკთან და მის ოჯახთან. ეს ინფორმაცია გამოაქვეყნა Aktuality.sk-ის მთავარმა რედაქტორმა პიტერ ბარდიმ.

“უნდა შეჩერდეს ჟურნალისტებზე თავდასხმები სლოვაკეთში. ჩვენ მივმართავთ ხელისუფლებას, რაც შეიძლება სწრაფად დაიწყოს გამოძიება და დაისაჯონ ჟურნალისტ კუკიაკისა და მისი პარტნიორის მკვლელები.” – ნათქვამია “სლოვაკეთის ჟურნალისტთა ასოციაციის” მიერ გავრცელებულ განცხადებაში.

“ევროპის ჟურნალისტთა ფედერაციის” პრეზიდენტმა, მოგენს ბლიხერმა მისამძიმრა დაღუპულების ოჯახებს და აღნიშნა, რომ ეს არის ამაზრზენი შემთხვევა, როცა ჟურნალისტს ესხმიან თავს მის მიერ შესრულებული გამოძიების გამო. მისი თქმით, ევროკავშირი უნდა დაფიქრდეს და განგაში ატეხოს ამ ფაქტზე, რადგან სულ რაღაც რამდენიმე თვე გავიდა ჟურნალისტ დაფი კარუანა გალიციას მკვლელობიდან.

მომხდარ ფაქტს გამოეხმაურა “ჟურნალისტთა საერთაშორის ფედერაციის” გენერალური მდივანი ენტონი ბელანგერი, რომელმაც აღნიშნა, რომ ეს არის უდიდესი დარტყმა სიტყვის თავისუფლებაზე სლოვაკეთში. მან იმედი გამოთქვა, რომ პოლიცია ყველაფერს გააკეთებს მკვლელების დასაკავებლად.

 

სხვა ამბები

გაგრაში, აფეთქების შედეგად, რუსი ბიზნესმენი დაშავდა

newsadmin

საქართველოს რომელ რეგიონში დაფიქსირდა H1N1 ვირუსის ყველაზე მეტი შემთხვევა

newsadmin

“გაერო კარგია, მაგრამ ჩვენ ჩვენი სამშობლო გვაქვს” – კვიციანი ლომჯარიას

newsadmin

ნოდია – მეის შეხვდა ამოცანა: კონსენსუსის მიღწევა ბრექსიტის კონკრეტულ პირობებზე, რომლის გადაჭრა პრინციპულად შეუძლებელი ჩანს

newsadmin

გორში მაღაზია გატეხეს – მოპარულია 6 ბოთლი არაყი

newsadmin

“მიგვაჩნია, რომ ეს მიდგომა არის დისკრიმინაციული“

newsadmin
იტვირთბა....
რეკომენდირებული სტატია
სერგეენკო: უკრაინის ეკლესიის ავტოკეფალიაზე პირველი სიტყვა ეკლესიამ უნდა თქვას
“მართლა გამიჭირდება ღრმა კომპეტენტური პასუხის გაცემა. მეც იგივე აზრის ვარ, როგორც ერთ-ერთი მოქალაქე, რომ ამაზე პირველი სიტყვა ეკლესიამ უნდა თქვას", - აცხადებს სერგეენკო. წყარო:.. ნახე სრულად..