თბილისში, გაბრიელ სალოსის ქუჩაზე სპეცრაზმმა შტურმი დაიწყო, – ამის შესახებ “მეტრონომს” ადგილობრივმა მცხოვრებმა განუცხადა.
პირები, რომელთა დასაკავებლადაც თბილისში, გაბრიელ სალოსის ქუჩაზე მიმდინარეობს სპეცოპერაცია, არ არიან საქართველოს მოქალაქეები და ისინი ტერორისტული ორგანიზაციის წევრები არიან, -ამის შესახებ განცხადება სუს-ში ცოტა ხნის წინ გაკეთდა.
სახელმწიფო უსაფრთხოების სამსახურის ცნობით, სპეცოპერაციას აწარმოებს კონტრტერორისტული დეპარტამანტი, რომელთაც ტერორისტული ორგანიზაციის წევრებს შესთავაზეს უწყებას ჩაბარებოდნენ, თუმცა უარი მიიღეს. აღნიშნულმა პირებმა გახსნეს ცეცხლი, რომლის შედეგადაც დაჭრილია სპეცდანიშნულების რაზმის ერთი თანამშრომელი. სუს-ის ინფორმაციით, მიმდინარეობს კონტრტერორისტული მოქმედებები.