ბათუმში, მაიაკოვსკის ქუჩაზე ბარაკის ტიპის სახლში ხანძარი გაჩნდა. ინფორმაციას ამის შესახებ 1TV ავრცელებს.
მეზობლები ყვებიან, რომ შემთხვევის დროს სახლში არავინ იმყოფებოდა. ხანძრის შედეგად არავინ დაშავებულა, თუმცა სახლში დაბრუნებულ მეპატრონეს სასწრაფო-სამედიცინო დახმარება დასჭირდა.
ხანძრის შედეგად განადგურდა საცხოვრებლის სახურავი და საყოფაცხოვრებო ნივთები.
წინასწარი ინფორმაციით, ცეცხლი ე.წ. მოკლე ჩართვამ გამოიწვია.
