ბათუმი-თბილისის ავტომაგისტრალის მონაკვეთზე, ავტოსაგზაო შემთხვევა მოხდა. ოპელის მარკის ავტომობილი გზიდან გადავიდა და შემდეგ ამოტრიალდა. მანქანაში მამა-შვილი ისხდნენ, რომლებიც ავრიის შედეგად დაშავდნენ, თუმცა მათ სიცოცხლეს საფრთხე არ ემუქრება.
გავრცელებული ინფორმაციით, ავტოვარიის გამომწვევი მიზეზი, ძლიერი სეტყვა გახდა, რის გამოც მძღოლმა ავტომობილი ვერ დაიმორჩილა.ადგილზე საპატრულო პოლიცია და სასწრაფო დახმარების ბრიგადა იყო მობილიზებული.