ბათუმში, ლეონიძისა და ბაგრატიონის ქუჩების კვეთაში, “ბეემვეს” მარკის ავტომანქანის მძღოლმა საჭე ვერ დაიმორჩილა და საპირისპირო მხარეს მოძრავ ჯიპს, შემდეგ კი მიკროავტობუსს დაეჯახა.
თვითმხილველის თქმით, მიზეზი სავარაუდოდ, ავტომანქანის მოცურება გახდა.
სამი დაშავებული რეფერალურ საავადმყოფოშია გადაყვანილი.
გამოძიება 276-ე მუხლის პირველი ნაწილით მიმდინარეობს, რაც ტრანსპორტით მოძრაობის და ექსპლუატაციის წესის დარღვევას გულისხმობს.